Lelelala去返工﹣美容師の初體驗！

 

唐寧喺YouTube有一個節目，就叫做《Lelelala去返工》，上兩集唐寧分別去咗茶餐廳做侍應，同埋喺車行做汽車推銷員，之前兩樣工作，唐寧都做得有板有眼。而近日《Lelelala去返工》就出咗第三集，今次唐寧就去到美容員返工。

今集唐寧就要做一個見習美容師，一開始嘅時候，唐寧就聽咗一個客人嘅電話，個客人想預約星期日嚟美容，當唐寧正想查嘅時候，側邊嘅職員就立即提醒佢，星期日美容院係唔開門，如果唔係個職員，唐寧可能就要個客人白走一趟喇。

之後唐寧就要幫客人美容，一開始嘅時候就用錯手勢，又畀職員話佢手勢好似打麻雀咁，不過好彩上司都讚唐寧有做美容師天份。
 

 

【蘋果日報 25-05-2014】